waterworld

Flotatzaile proiektuaren harira, aurreakoan "waterworld" pelikula ikusi nuen. Pelikulari egiten zaion sarreran etorkizuneko mundua izango denaren deskribapena egiten da: "lur planeta osoa ur mantu batez estalia dago..." Nolabait pelikularen historia guztia, klima aldaketaren garrantziari keinu bat eginez, horren ondorio bezala gertatzen da.

      

(protagonistaren ontziak imaginatu daitezkeen mekanismo eta inbento guztiak ditu)

Bizidun guztiak ur gainean bizitzera amoldatu behar izan dute, eta gai batzuk altxor bezala kontsideratuak egongo dira elkartrukerako, hala nola erateko ura (hidroak), landareak eta lur lehorra batez ere. Horrela igarotzen da film osoa, guztiek aurkitu nahi duten lur lehor horren bila itsasoan zehar.

Sarriago hasi beharko gara egiten ari garen bezelako proiektuak sortzen, pelikulako ondorio berdinak egongo balira etorkizun batean...

Txoritokia: lehen urratsak

Txoritokia kokatzeko guneari begira, okupatu gabeko espazioen bila abiatu ginen, oraindik erabili gabe dagoenari erabilera berria gehitzeko. Orokorrean, eremua dagoeneko nahiko saturatua dagoela iruditu zitzaigun, bi salbuespenekin: klasean aipatutako "rotonda" eta ontziralekua inguratzen duten harresiak.

Izan ere, harresi natural zein artifizialez inguratuta dago lekua eta hauei nolabaiteko erabilera gehitzea okurritu zitzaigun. Garabia eta hormaren artean muga batzuk ezarriz, txoritokiarentzako espazioa sor genezake eta aldi berean, hasiera batean erabilerarik gabe zegoen horma hori kolonizatu.

Hasiera batean harresiaren horma bertikalak kolonizatzeko ideiarekin bakarrik abiatu giñen:

Hortaz, bi espazio hauek bateratuko dituen gunean kokatuko genuke garabia, bien arteko lotura sortuz beheko irudian ikusten den moduan.

Tokia apur bat gehiago aztertu ondoren eta garabiaren neurriak kontuan hartuta, oraindik aukera gehiago ematen zituela konturatu ginen. Izan ere, harresiaren inguruan, ibilbide bat dago guk aukeratutako tokiari begira bukatzen dena. Gertakari hau eta garabiaren altura aprobetxatuz, ibilbide horri jarraipena emango diogu garabiaren barrurantz.

Honela, hiru izango dira gure txoritokiak inbaditu eta kolonzatuko dituen guneak:

Apur bat haratago joanez eta eraikinak izango duen formari buruz pentsatzen hasita, aukera ezberdinetatik bat izan da gehien gustatu zaiguna: hiperboloidea.

Plataforma horizontala garabiarekin lotzeko, kable batzuk erabiliz, biak konekta genitzake. Oinarria zirkularra izanik, zilindro moduko bat osatuko luke. Plataforma horizontal horretan txoriak bizitzeko gune bat sortzeko asmoa genuen, nolabaiteko berdegune bat. Lehen aipatutako zilindroaren muturretako bat apur bat biratuz, kableak zuzen joan beharrean zeharka joango dira eta zilindroaren erdian estugune bat sortuko da.

Egia esan irudiz hitzez baino hobe azal daiteke irudi bitartez:

Honela txorien mikro-ekosistema hori giza aktibitatetik apur bat bereiztea lortzen dugu. Ondoren jana toki batean edo bestean jarriz txoriek bisitarien eremua zeharkatzea lor liteke txoriak ikuskatzeko aukera emanez.